Xabaringiz bor, Respublikamiz bo‘ylab iyun oyi yoshlar oyligi deb e’lon qilindi. Ushbu oylik davomida yoshlar o‘rtasida turli tanlovlar sport musobaqalari va uchrashuvlar tashkil etilmoqda.

Yoshlar oyligi doirasida joriy yilning 9-iyun kuni Andijon viloyatidagi OTM talabalari o‘rtasida “Zakovat” intellektual o‘yini o‘tkazildi. Unda viloyatdagi barcha OTM talabalaridan saralangan, intellektual salohiyatli yoshlardan iborat 5 ta jamoa ishtirok etdi.

Andijon davlat tibbiyot instituti talabalar turar joyida o‘tkazilgan ushbu bilimlar bellashuvida Andijon davlat universiteti yoshlar ittifoqi faollaridan tashkil topgan “Universal” jamoasi faxrli 1-o‘rinni egalladi hamda “Zakovat” intellektual o‘yinining keyingi bosqichiga yo‘lanmani qo‘lga kiritdi.

Ushbu muvaffaqiyat bilan “Universal” jamoasi a’zolarini tabriklaymiz va tanlovning keyingi bosqichida ularga omad va zafarlar tilaymiz.