Joriy yilning 25-may kuni Rossiyaning Axborot texnologiyalari, mexanika va optika universiteti mezbonligida shimoliy mamlakatlar universitetlarining talabalari o‘rtasida xalqaro olimpiada o‘tkazildi. Bu yil 7-marta o‘tkazilayotgan ushbu xalqaro olimpiadada Andijon davlat universiteti fizika-matematika fakulteti matematika ta’lim yo‘nalishi 3-kurs talabalari Akbarshox Muhammadjonov va Abduvali Xabibullayevlar ishtirok etdi va faxrli 2-o‘rinni egalladilar.

Ushbu talabalarni hamda ularni olimpiadaga tayyorlagan ustozlari matematika kafedrasi dotsentlari Sohibjon Ahmedov va Iqboljon Karimjonovlar tabriklaymiz talabalarni keyingi ishlarida zafarlar tilaymiz.