Bugun 21-may - O‘zbekistonda kutubxonachilar kuni sifatida nishonlanmoqda. Ushbu sana munosabati bilan Andijon davlat universitetining axborot resurs markazida kichik tadbir o‘tkazildi. Unda universiteti rektori Akramjon Sultanmuradovich Yuldashev ishtirok etib, barcha kutubxona xodimlarini kasb bayrami bilan samimiy qutladi.

Shuningdek, tadbir davomida uzoq yillar kutubxona xodimi sifatida faoliyat ko‘rsatib, hozirgi kunda nafaqada yurgan mehnat faxriylari bilan uchrashib ularga o’z esdalik sovg‘alarini topshirdi.

Shundan so‘ng, kutubxona xodimlarining o‘ziga xos chiqishlari va bayram tilaklari tinglandi.

Tadbirning ikkinchi qismi sifatida Andijon davlat universitetining axborot resurs markazida xalqaro aloqalar bo‘limining yangi zamonaviy jihozlangan xonasining ochilish marosimi bo‘lib o‘tdi. Ushbu xona universitetiga tashrif buyurovchi xalqaro hamkorlarni kutib olish, ular bilan keng muzokaralar va istiqbolli kelishuvlarni amalga oshirish uchun xizmat qiladi.