2021-yil 6-9-may kunlari Rossiyaning Sankt-Peterburg shahrida "Marafon molodix talantov" xalqaro festival-tanlovi bo‘lib o‘tdi. MDH davlatlari yosh iste’dodlari ishtirokida bo‘lib o‘tgan xalqaro tanlovda Andijon davlat universitetining san’atshunoslik fakulteti 2-kurs talabasi Xolmurodov Elmurod "Cholg‘u ijrochiligi: Qashqar rubobi (yakkaxon)" yo‘nalishida muvaffaqiyatli ishtirok etib, 1-darajali diplom bilan taqdirlandi.

Iqtidorli talabamiz ustozi Odinaxon Ma’mirova boshchiligida o‘rgangan kompozitor Gadji Xanmamedovning "Konsert №3" asarini konsertmeyster Feruza Valioxunova jo‘rnavozligida yuksak mahorat bilan ijro etdi va  nufuzli hay’at a’zolarining e’tirofiga sazovor bo‘ldi.

Elmurod va uning ustozini gʻalaba bilan tabriklab, kelgusi ishlarida muvaffaqiyat tilab qolamiz!