Joriy yilning 23-aprel kuni, Tabiiy fanlar fakulteti Ekologiya va botanika kafedrasining tashabbusi bilan "Olim va yoshlar" mavzusida O‘zbekiston Respublikasi Fanlar akademiyasi akademigi, Botanika instituti "O‘zbekiston florasi" laboratoriyasining mudiri, biologiya fanlari doktori Tojibaev Komiljon Sharobiddinovich onlayn uchrashuv o‘tkazdi.

Uchrashuvda, mazkur ilmiy dargohning yetakchi ilmiy xodimi, biologiya fanlari doktori Karimov Farhod Isomiddinovich, shuningdek Ekologiya va botanika kafedrasi tayanch doktorantlari, magistrlari hamda Ekologiya ta’lim yo‘nalishi 1-kurs talabalari ishtirok etdilar.

Akademik  Tojibayev Komiljon Sharobiddinovich botanika fanining asosiy yo‘nalishlaridan biri bo‘lgan endemizm mavzusida qiziqarli ma’ruza qildi. Uchrashuv davomida kafedra magistrlari va iqtidorli talabalari o‘zlarini qiziqtirgan savollar bilan faol ishtirok etdilar. “Bunday uchrashuvlarni tez-tez o‘tkazib turilishi yoshlarni ilm-fanga, zamonaviy izlanishlarga bo‘lgan qiziqishlarini oshiradi, yangiliklarga intilishlarida, yuksak natijalarga erishishlarida motivatsiya bo‘ladi” deydi Ekologiya va botanika kafedrasi mudiri, biologiya fanlari nomzodi, dotsent Noralieva Nasiba Mamanovna.