Endi O'zbekiston oliy o'quv yurtlari talabalari yozgi ta'til davomida Germaniyada amaliyot o’tash imkoniyatiga ega!

2021 yil 18-yanvar kuni Andijon davlat universitetinign katta majlislar zalida Andijon davlat universiteti hamda “German centre” bilan hamkorlikda Germaniyada amaliyot va yozgi ta’tilni o'tkazish imkoniyatlari mavzusida video konferensiya o'tkazildi. Unda O'zbekistonning Germaniya Federativ Respublikasidagi elchisi Nuriddin Mamajonov va "JD East" tashkilotining rahbari Jonibek Janibekovlar zoom orqali ishtirok etdilar.

Ushbu konferensiyada Andijon davlat universitetida ta'lim olayotgan va Germaniyada ta’til amaliyotlarini o’tkazish istagida bo’lgan talaba yoshlar va professor o’qituvchilar ishtirok etdilar. Video konferensiyada "JD East" tashkilotining rahbari Jonibek Janibekov talabalar uchun Germaniyada amaliyot o'tash bo'yicha dasturlar haqida talabalarimizga batafsil malumot berdilar. Shundan so'ng, "German centre" vakillari Germaniyada ta’lim va yozgi ta’tilni qanday qilib o'tkazish haqida o'zlarining taqdimotlari bilan talabalarni tanishtirdilar. Konferensiyada talabalar o’zlarini qiziqtirgan savollarga javoblar oldilar.