O‘zbekiston Respublikasi Vazirlar Maxkamasi huzuridagi Davlat test markazi va Britaniya Kengashi o‘rtasida 2020-yil 2-mart kuni chet tillari o‘qituvchilarining bazaviy lavozim maoshlariga oylik ustama belgilash uchun “Aptis for teachers” test sinovlarini o‘tkazish haqida kelishuv bitimi imzolangan.

Ushbu bitimga ko‘ra, Davlat test markazi hamda Britaniya Kengashi tomonidan chet tillari o‘qituvchilarining bazaviy lavozim maoshlariga oylik ustama belgilash uchun “Aptis for teachers” test sinovlari joriy yilning 3-noyabrida o‘tkazilishi rejalashtirilmoqda.

Ma’lumot uchun: “Aptis for teachers” test natijalariga ko‘ra S darajaga ega bo‘lgan o‘qituvchilarga mazkur hujjatning amal qilish muddati davomida chet tillar o‘qituvchilarining bazaviy lavozim maoshlariga oylik ustama belgilash uchun test sinovlaridan o‘tishlari talab etilmaydi.

“Aptis for teachers” test sinovlari kompyuterda onlayn tarzda o‘tkaziladi va o‘z ichiga tinglab tushunish, o‘qish, yozish va gapirish ko‘nikmalarini oladi. Test sinovlari natijalari imtihon o’tkazilgandan so’ng 3 kun ichida e’lon qilinadi.

Davlat test markazi va Britaniya Kengashi hamkorligida o‘tkaziladigan “Aptis for teachers” test sinovlarida ishtirok etish uchun to‘lov bazaviy hisoblash miqdorining 2,5 baravari etib belgilangan.

Ixtiyoriy ravishda ushbu test sinovlarida qatnashishingiz uchun Davlat test markazining (https://dtm.uz/page/aptis) rasmiy veb-sayti orqali o‘rnatilgan tartibda murojaat qilib, test sinovlarida ishtirok etishingiz mumkinligini ma’lum qilamiz.