Bugun, 5 sentabr kuni ertalab soat 8:00 da XORIJIY va NODAVLAT oliy ta’lim muassasalaridan O‘zbekiston Respublikasi OTMlariga o‘qishini ko‘chirish uchun ro‘yxatdan o‘tgan fuqarolar uchun onlayn test sinovlari boshlandi.  Imtihon jarayonlari respublika bo‘ylab 13 ta hududdagi 18 ta OTMda bo‘lib o‘tmoqda.

Andijon davlat universitetida ham bugun, 5 sentabr kuni ertalab soat 8:00 da XORIJIY va NODAVLAT oliy ta’lim muassasalaridan O‘zbekiston Respublikasi OTMlariga o‘qishini ko‘chirish uchun ro‘yxatdan o‘tgan fuqarolar uchun onlayn test sinovlari boshlandi. 

Universitetning Chet tillar fakulteti sport zalida 200 o‘ringa mo‘ljallangan imtihon o‘tkazish joyi hozirlangan bo‘lib, imtihon o‘tkaziladigan kompyuterlarda 300 mb/sek. tezlikdagi internet bilan ta’minlangan.

Imtihon topshiruvchilar hududga dezinfeksion tunel orqali kiritilib, tegishli tekshiruvlardan o‘tkazildi. Imtihonlar ikki smenada tashkil etildi.

Birinchi smenada imtihon topshirish uchun rejalashtirilgan 200 nafar talabgordan 142 nafari, 2-smenada 129 nafari ishtirok etmoqda. Nomzodlar test sinovlarini onlayn rejimda topshirib, shu vaqtning o‘zida test natijalarini bilib olmoqdalar.

Imtihon o‘tkaziladigan hudud hamda sport zali perimetr bo‘yicha to‘liq kuzatuv kameralari nazorati ostida.