Bugun, 25-fevral kuni Andijon davlat universitetida navbatdagi "Hokim va yoshlar" uchrashuvi bo‘lib o‘tdi. Viloyat rahbari Shuhratbek Abdurahmonov Andijon davlat universitetining talaba-yoshlari bilan samimiy muloqot qilar ekan, yoshlarning intellektual salohiyatiga, odob-ahloqiga, erishayotgan yutuqlariga yuqori baho berdi. Suhbatda viloyat hokimi talabalar bilan ochiq gaplashib, ularga o‘zining hayotiy tajribalaridan misollar keltirib o‘tdi.

Suhbat davomida Shuhratbek Abdurahmonov kelgusi xaftadan boshlab viloyatdagi ta’lim muassasalari, viloyat va tuman XTB larida universitet talabalari 10 kunga rahbarlikka qo‘yilishini ma’lum qildi. Bunda 1500 ga yaqin talabalar suhbat asosida xafta oxiriga qadar saralanadi. Ular 10 kun davomida ta’lim muassasalarini mustaqil boshqarishlari aytib o‘tildi.

Uchrashuv davomida bir qator faol yoshlarning takliflari, innavatsion g‘oyalari, ilmiy izlanishlari va oliy ta’lim tizimi to‘g‘risidagi fikrlarini tinglandi.

Shuningdek, viloyat rahbari talabalar bilim olishlari uchun ta’lim dargohida yaratilgan shart-sharoitlar bilan tanishdi. Mutasaddilarga ta’lim dargohida talaba yoshlar uchun yanada qulayliklar yaratish borasidagi tegishli ko‘rsatmalarni berdi.