Tadbirni prorektor A.Hamraqulov ochib berdi. Ma'ruzachi o'z nutqida yurtimizning barcha maktab va oliy ta'lim muassasalarida o’tkazib kelinayotgan Navoiyxonlik kechalari yoshlarimiz uchun ma'naviy ozuqa bo’layotgani, Alisher Navoiy ijodi va shaxsiga hamma zamonlarda qiziqish katta boʻlgani, xatto u kishi haqida koʻplab afsonasifat hikoyalar ham toʻqilgani, ulugʻ mutafakkirning shaxsi, tutumi, feʼl-atvori haqida yaqqolroq tasavvur hosil qilish uchun avvalo hazratning asarlarini, u zotga zamondosh boʻlgan adiblarning xotiralarini sinchiklab oʻqish zarurligini ta'kidlab o’tdi.

Shundan so’ng talabalarimiz tashkil qilgan kechaga navbat berildi. Navoiy g'azallari, raqslar va shoir hayotini turli sahna kòrinishlari orqali tomoshabinlarga namoyon qilib berishdi. Talabalar tomonidan jonli ijroda aytilgan g'azallar tadbirimizni yanada chiroylik o’tishiga zamin bo’ldi. Tadbir so’nggida fakultet dekani so’zga chiqib ushbu kechani tashkillashtirgan ustozlarga va qatnashuvchilarga o’z minnatdorchiligini bildirdi. Tadbirni tashkil etishda faol qatnashgan talabar universitet rahbariyatining Faxriy yorliq va kasaba uyushmasi qo’mitasi tomonidan esdalik sovg'alari va kitoblar jamlanmasi bilan taqdirlandi.