Bugungi kunda fakultetda 3 ta kafedra faoliyat olib bormoqda. Bular: “Algebra va analiz”, “Mexanika-matematika”, “Informatika” kafedralaridir. Fakultetda 3 ta bakalavriat ta’lim yo‘nalishlarida mutaxassis va pedagoglar tayyorlanadi:

FAKULTET KAFEDRALARI

ALGEBRA VA ANALIZ KAFEDRASI 

Ushbu kafedrada 21 nafar professor-o’qituvchilar faoliyat olib boradi. Ular Differensial tenglamalar va ularning tatbiqlari, Zamonaviy algebra va analiz, Ehtimollar nazariyasi va matematik statistika, Matematika o’qitish metodikasi yo’nalishlari bo’yicha ilmiy-tadqiqot ishlari olib boradilar. Kafedra Malayziyaning “University Malaysia Terengganu” universiteti, Braziliyaning “Federal University of ABC” universiteti va O’zbekistondagi yetakchi oliygohlar bilan mustahkam aloqalarni yo’lga qo’ygan. Algebra va analiz kafedrasida bugungi kunda “70540101 – Matematika (yo’nalislar bo’yicha)” magistratura mutaxassisligi mavjud. 01.01.01 – Matematik tahlil, 01.01.02 – Differensial tenglamalar va matematik fizika, 01.01.05 – Ehtimollar nazariyasi va matematik statistika, 01.01.06 – Algebra, 13.00.02 – Ta’lim tarbiya nazariyasi va metodikasi (matematika) ixtisosliklari bo’yicha tayanch doktorantlar tahsil oladilar va ilmiy izlanishlar olib bormoqda. Kafedra qoshida “Al-Xorazmiy”, “Integral”, “Algebra” kabi to’garaklar va “Zamonaviy algebra va analiz” nomli ilmiy seminar faoliyat ko’rsatib kelmoqda.

INFORMATIKA KAFEDRASI 

 

Hozirgi kunda kafedrada asosiy shtatda 1 ta dotsent, 2 ta katta o‘qituvchi va 4 ta o‘qituvchi, o’rindoshlik asosida esa, 3 ta o‘qituvchi faoliyat olib bormoqda. Kafedra faoliyati davomida professor-o’qituvchilar tomonidan 5 ta darslik va 4 ta o’quv qo’llanmalar nashr etilgan. Bundan tashqari, 30 dan ortiq EHM uchun yaratilgan dastur va Ma'lumotlar bazasi uchun guvohnomalar olingan. Kafedrada talabalar uchun “Zamonaviy axborot texnologiyalari va dasturlash asoslari”, “UzbekCoders”, “Office dasturlarida ishlash” kabi to’garaklar o’z faoliyatini yuritib kelmoqda. Kafedra professor-o’qituvchilar tomonidan turli sohalar buyurtmalari asosida dasturiy mahsulotlar va xizmatlar uchun mablag’lar tushumi amalga oshirilib kelinmoqda. Kafedra hozirda Rossiyaning M.K.Ammosov nomidagi Shimoliy-Sharqiy federal universitetining Matematika va informatika instituti hamda Kemerovo davlat universiteti bilan hamkorlik qilmoqda. 

MEXANIKA-MATEMATIKA KAFEDRASI