Fakultet dekani biografiyasi:

• 1965 yil 18 avgustda Andijon viloyati, Izboskan tumani Qumariq qishlog‘ida ishchi oilada tug‘ilgan;

• 1971-1980 yillarda Izboskan tumani XTBga qarashli 39-o‘rta maktabda o‘qigan;

• 1980-1984 yillarda Andijon pedagogika bilim yurtini tamomlagan;

• 1984-1989 yillarda Toshkent davlat pedagogika instituti badiiy grafika fakulteti talabaligiga qabul qilinib, ushbu fakultetni chizmachilik, tasviriy san’at, mehnat fani o‘qituvchisi mutaxassisligi bo‘yicha tamomlagan;

• 1989 yili Toshkent politexnika institutining Namangan filialida chizma geometriya kafedrasida assistent-o‘qituvchi vazifasida mehnat faoliyatini boshlagan;

• 1995-1997 yillarda Andijon elektromexanika texnikumi muhandis-pedagogi;

• 1997-2001-yillarda Andijon viloyati pedagog xodimlarining malakasini oshirish instituti rasm-chizmachilik bo‘limi uslubchi-o‘qituvchisi;

• 2001-2002 yillarda Andijon davlat universiteti chizmachilik va amaliy san’at kafedrasi assistenti;

• 2002-2007 yillarda Andijon davlat universiteti kasb ta’limi fakulteti ma’naviy-axloqiy tarbiya ishlari bo‘yicha dekan o‘rinbosari;

• 2007-2010 Andijon davlat universiteti chizmachilik va tasviriy san’at kafedrasi mudiri;

• 2010-2011 yillarda Andijon davlat universiteti San’at fakulteti dekani;

• 2011-2013 yillarda ichki nazorat va monitoring bo‘limi boshlig‘i;

• 2013-2019 yillarda Andijon davlat universiteti Pedagogika fakulteti dekani;

• 2019 yil sentabr oyidan Andijon davlat universiteti San’atshunoslik fakulteti dekani lavozimida ishlab kelmoqda.

Qodirova Nazokat Zokirjonovna
O`quv ishlari bo`yicha dekan o`rinbosari
Telefon: 0(374)2234052
E-pochta: pedagogika_anddu@edu.uz

San'atshunoslik fakulteti Andijon davlat universiteti rektorining 2019 yil 3 sentabrdagi 01-44-sonli buyrug‘i bilan tashkil etilgan. Fakultet dekani vazifasiga p.f.n., dotsent Ch.T.Shakirova tayinlangan. Fakultet tarkibida Tasviriy san’at va muhandislik grafikasi, Musiqa ta’limi kafedralari mavjud.

O‘QUV JARAYONI

Fakultetda bugungi kunda 5110800 – “Tasviriy san’at va muhandislik grafikasi”, 5111100 – “Musiqa ta’limi”, 5150600 – Vokal san’ati (turlari bo‘yicha), 5150700 – Cholg‘u ijrochiligi (turlari bo‘yicha), 5150800 – Rangtasvir (turlari bo‘yicha), 5151200 – Amaliy san’at (turlari bo‘yicha) ta’lim yo‘nalishlari bo‘yicha zamon talablariga javob beradigan raqobatbardosh mutaxassis-kadrlar tayyorlanmoqda. 

NAZARIYA VA AMALIYOT

San’atshunoslik fakultetida tahsil oluvchi talabalar o‘zlarining nazariy va amaliy bilimlarini malakaviy amaliyotlarda mustahkamlaydilar. Fakultet yo‘nalishi o‘ziga xosligini, ijodiy yo‘nalishdaligini hisobga olib o‘quv jarayoni asosan yakka tartibda va kichik guruhlarda tashkil etilgan. 

Yakka tartib mashg‘ulotlarida malakali professor-o‘qituvchilar har bir talabaning iqtidori va ijodiy imkoniyatiga alohida e’tibor qaratgan holda darslar tashkil qilingan. O‘quv jarayonida olgan bilimlarini ma`naviy tadbirlarda mustahkamlab o‘z malakalarini oshiradilar. O‘quv rejasida ko‘rsatilgan malakaviy amaliyot doirasida maktabgacha ta’lim muassasalarida, umumta’lim maktablarida, musiqa va san’at maktablarida tashkil etilgan. Bundan tashqari Tasviriy san`at va muhandislik grafi kasi, Amaliy san’at, Rang tasvir yo‘nalishlari o‘quv, plener va dala amaliyotlari Istiroxat bog`larida, Eco-parklarda, muzey, Registon maydonlari bilan shartnomalar tuzilgan.

Fakultet Andijon viloyati Xalq ta’limi boshqarmasi, Maktabgacha ta’lim boshqarmasi, Badiiy akademiya bilan hamkorlik o‘rnatgan. Maktab, kollej o‘qituvchilari bilan nazariy, amaliy hamda metodika bo‘yicha tajriba almashinuvi yo‘lga qo‘yilgan. O‘quv jarayonida nazariy ta’lim bilan birgalikda amaliyotga katta e’tibor qaratilmoqda.

TO‘GARAKLAR FAOLIYATI

San’atshunoslik fakultetida to‘garak sifatida faoliyat ko‘rsatayotgan “Dutorchi qizlar”, “Maqomchilar”, “Nihol” talaba-yoshlar ijodiy jamoasi, “Yoshlar” teatri “Muhandis”, “Tasvir”, “Xattotlik va miniatyura”, “Ijodkor” to‘garaklari fakultet, universitet va viloyatning barcha tadbirlarida ishtirok etib kelmoqdalar. Ularga malakali prosessor o‘qituvchilar rahbarlik qilmoqdalar. 

To‘garaklar 500 dan ortiq iqtidorli talabalarni o‘zida birlashtirgan bo‘lib, to‘garak a`zolari tegishli yo‘nalishlar bo‘yicha ijodiy, ilmiy faoliyat bilan shug`ullanmoqdalar. Fakultet jamoasi universitet, shahar, viloyat, respublika miqyosidagi ko‘plab ma’naviy-ma’rifiy, ilmiy-amaliy konferensiyalarda faol ishtirok etib kelmoqda. 

Xususan, fakultet iqtidorli talabalaridan tashkil etilgan to‘garaklar jamoalari ko‘plab tanlovlarda ishtirok etib, g‘oliblikni qo‘lga kiritmoqda.

                        
MA’NAVIY-MA’RIFIY ISHLAR

  
Fakultetimizda to‘garak sifatida faoliyat ko‘rsatayotgan “Dutorchi qizlar”, “Maqomchilar”, “Nihol” talaba-yoshlar ijodiy jamoasi fakultet, universitet va viloyatning barcha tadbirlarida faol ishtirok etib kelmoqdalar. 

Bundan tashqari Universitetning “Yoshlar teatri” jamoasi bizning o‘qituvchi va talabalarimiz faol a’zolaridan hisoblanadi. Ushbu teatr jamoamiz respublika teatrlar ko‘rik tanlovida faxrli uchinchi o‘rinni egalladilar. “Muhandis”, “Tasvir”, “Xattotlik va miniatyura”, “Ijodkor” to`garaklari jamoalari esa o`zlarining ijod namunalaridan fakultet, universitet va viloyatning barcha tadbirlarida ko‘rgazmalari bilan ishtirok etib kelmoqdalar. Talabalar orasida sportni rivojlantirish va ommalashtirish maqsadida qator tadbirlar o‘tkazilmoqda. 

Talabalarda umuminsoniy qadriyatlarni shakllantirish maqsadida fakultet pedagog-xodimlari va talabalari ishtirokida viloyatdagi “Qariyalar uyi”, “Mehribonlik uylari”ga moddiy va ma’naviy yordam berish tizimi yo‘lga qo‘yilgan. Muhim sanalarda o‘zlarining konsert dasturlari va ko‘rgazmalari bilan dillarini xushnud etib kelmoqdalar.

FAKULTET KAFEDRALARI

TASVIRIY SAN`AT VA MUHANDISLIK GRAFIKASI 

Kafedra mudiri: Abdujalolov Sardorbek Abdujalol o‘g‘li
Telefon: 0(374)2234052
E-pochta: sardorbekabdujalolov409@gmail.com 

Andijon davlat universiteti pedagogika va psixologiya fakulteti qoshida 1998-yili sentyabr oyida “Maxsus fanlar o‘qitish uslubiyoti” kafedrasi tashkil etilgan. Kafedra mudiri dotsent E.Dadaxo‘jyaev bo‘lgan. Shu vaqtdan kafedrada jami 6 nafar o‘qituvchi faoliyat ko‘rsatgan, 1 ta dotsent, 1 ta katta o‘qituvchi, 4 ta assistent o‘qituvchilari faoliyat ko‘rsata boshlaganlar.

Kafedra asosan 2 yo‘nalish bo‘yicha kadrlar tayyorlashga ixtisoslashgan (Rasm va chizmachilik o‘qituvchisi, Musiqachi-pedagoglar tayyorlash). 1999-yildan universitet ilmiy kengashi qarori bilan kafedra “Chizmachilik va amaliy san’at” nomi bilan atala boshladi. Kafedrada 1 ta dotsent, 1 ta katta o‘qituvchi, 10 ta assistent o‘qituvchilar faoliyat ko‘rsatganlar. 2000-yil mart oyidan kafedra mudiri etib katta o‘qituvchi B. Qo‘chqarov tayinlandi. Shu vaqtdan boshlab kafedrada 2 ta katta o‘qituvchi 17 ta assistent o‘qituvchilar faoliyat ko‘rsatgan. Ulardan 6 nafar “Chizmachilik va amaliy san’at” mutaxassisligi o‘qituvchilari bo‘lgan. Kafedra a’zolari “Tasviriy san’at, mehnat va musiqa san’atining O‘rta va Oliy maktablarida o‘qitish uslubini takomillashtirish masalalari” ustida ilmiy izlanish olib borishdi. 2002-2003-o‘quv yilidan kafedralar “Kasb ta’limi fakulteti” ixtiyoriga o‘tkazilgach, 2003-yildan Andijon davlat universiteti Ilmiy kengashining qaroriga asosan kafedra 2 ga ajratildi “Chizmachilik va tasviriy san’at, musiqa va uni o‘qitish metodikasi” tashkil topdi.

“Tasviriy san’at va muhandislik grafikasi” kafedrasiga 5150800 – Rangtasvir (turlari bo‘yicha), 5151200 – Amaliy san’at (turlari bo‘yicha)  yo’nalishlariga talabalar qabul qilindi. 2021-2022 o`quv yilidan 6210500 – Rangtasvir (Dastgohli), 6210800 – Amaliy san’at (badiiy kulolchilik) yo’nalishlariga talabalar qabul qilindi.

Hozirgi kunda “Tasviriy san’at va muhandislik grafikasi” kafedrasida 21 nafar professor-o‘qituvchilar faoliyat olib bormoqda, shulardan, 2 nafari fan nomzodi 1 ta dоtsеnt, 1 ta katta o’qituvchi va 17 ta o’qituvchi. Ulardan 8 nafari O‘zbekiston badiiy ijodkorlar uyushmasi a’zolari bo‘lib, o’z ilmiy salоhiyatini rivоjlantirish yo’lida izlanishlar оlib bоrmоqdalar.

MUSIQA TA`LIMI KAFEDRASI 

AHMEDOV SHARIFJON MAMIRDJANOVICH 
Musiqiy ta`lim kafedrasi mudiri, dotsent 
Telefon +998978312244
E-pochta:  sharif.music73@mail.ru

ANDIJON DAVLAT UNIVERSITETI «MUSIQIY TA’LIM» KAFEDRASI TARIXI 

Andijon davlat universiteti pedagogika fakulteti qoshida 1998 yili sentyabr oyida “Maxsus fanlar o’qitish uslubiyoti” kafedrasi bo’lib tashkil etilgan. Kafedra mudiri fizika-matematika fanlari nomzodi, dosent E.Dadaxo’jaev bo’lgan.

Shu vaqtdan kafedrada jami 6 nafar o’qituvchi faoliyat ko’rsatgan, 1 ta dotsent, 1 ta katta o’qituvchi, 4 ta assistent o’qituvchilari faoliyat ko’rsata boshlaganlar. Bular kafedra mudiri, dotsent E.Dadaxo’jayev, katta o’qituvchi B.Qo’chqarov, assistentlar: I.Darmonov, S.Mirzayev, O.Tursunov va A.Xojiboyevlar edi.

2023-yili 26 avgust Vazirlar mahkamasining qaroriga asosan San’atshunoslik fakulteti tugatilib Pedagogika fakultetiga qo’shildi va Pedagogika san’atshunoslik fakulteti nomi bilan fsoliystini dsvom ettirmoqda.

Hozirda kafedrani Sh.Axmedov boshqarib kelmoqda. Kafedrada 1 ta O’zbekiston va Qoraqalpog’istonda xizmat ko’rsatgan artist, 7 ta dotsent, 6 ta katta o’qituvchi, 16 ta o’qituvchi va 9 ta konsertmeyster faoliyat ko’rsatmoqda.

Bugungi kunda kafedra o’z ilmiy salohiyatini rivojlantirish yo’lida izlanishlar olib bormoqda.

BOSHLANG‘ICH TA’LIM METODIKASI KAFEDRASI

Mazkur kafedra 1960-yilda pedagogika, psixologiya, o‘zbek tilshunosligi, matematika kafedralari bazasida tashkil etilgan. Kafedra dastlab Maxsus fanlarni o‘qitish metodikasi kafedrasi deb nomlangan bo‘lib, unda S.Vahobov, A.Baratov, A.Haydarov, O.Oripov, A.Arzimatov, Q.Yunusov, R.Hoshimov, T.G‘aniyev, V.A.Loxina, V.S.Zamchalina, K.Po‘latov, N.Axmedov kabi ustozlar faoliyat olib borganlar.

2005 yildan Ona tili va uni o‘qitish metodikasi hamda Matematika o‘qitish metodikasi kafedralari birlashtirilib, Boshlang‘ich ta’lim metodikasi kafedrasi deb yuritila boshlandi. 2018 yilga qadar kafedraga dotsent A.Tolipov, p.f.n., dotsent I.Adishev, dotsent A.Arzimatov, p.f.n., dotsent Q.Yunusov, f.f.n., dotsent A.Jo‘raxonov, f.m.f.n., dotsent K.Mamadaliev, f.f.n., dotsent O.Tojiev, f.f.n., dotsent B.Rahmonov, f.f.n., dotsent F.Kiyikboevlar rahbarlik qildilar.

2018 yildan buyon Boshlang‘ich ta’lim metodikasi kafedrasiga f.f.d., dotsent D.A.Nurmanova mudirlik qilib kelmoqda.  

Hozirgi kunda kafedrada 42 nafar professor-o‘qituvchi (31 nafari asosiy shtatda, 11 nafari o‘rindoshlik asosida) faoliyat olib bormoqda. Bulardan 1 nafari fan doktori, 7 nafari fan nomzodi, 34 nafari esa katta o‘qituvchi va o‘qituvchilardir.

Kafedra professor-o‘qituvchilari tomonidan shu kunga qadar 14ta darslik, 10 ta elektron darslik, 61 ta o‘quv va o‘quv-uslubiy qo‘llanma, 400dan ziyod ilmiy maqolalar nashr etildi.

Keyingi yillarda kafedrada ilmiy faoliyat ancha kuchaydi. 2022 va 2023 yillarda D.Nurmanova doktorlik dissertatsiyasini (2022); I.Oxunov (2022), B.Qodirova (2022), D.Sobirova ( 2022), M.Madaminova (2022), N.Ismoilova (2023), Z.Madumarovalar (2023) falsafa doktori (PhD) dissertatsiyalarini muvaffaqiyatli himoya qildilar.

Kafedrada ichki o‘rindoshlik asosida quyidagi doktorantlar faoliyat yuritmoqdalar:

1. A.Akbarov 01.01.02 – Differensial tenglamalar va matematik fizika

2. E.Jo‘raev 10.00.01 – O‘zbek tili

3. B.Isroilova 10.00.01 – O‘zbek tili

4. R.Kazimirova 13.00.02 – Ta’lim va tarbiya nazariyasi va metodikasi (sohalar bo‘yicha)

5. G.Shermatova 10.00.01 – O‘zbek tili

Kafedrada hamkorlik aloqalari keng yo‘lga qo‘yilgan. Jumladan, Turkiyaning Otaturk universiteti, Belorussiyaning Polotsk davlat universiteti hamda Rossiyaning N.G.Chernishevskiy nomidagi Saratov davlat milliy tadqiqot universitetlari bilan yaqindan aloqa qilib kelinmoqda.

Professor-o‘qituvchilar hamda talaba yoshlar o‘rtasida ustoz-shogird an’analari asosida qator ishlar amalga oshirildi. Buning natijasi o‘laroq Ismanova Dilorom Baxtiyorjon qizi (ilmiy rahbar R.S.Yankina), Mamajonova Mushtariy Baxodirjon qizi (ilmiy rahbar dots. D.Nurmanova), Zulunova Gulruhbonu Bobirmirzo qizi Navoiy nomli davlat stipendiyasi sohibalari bo‘ldilar. Jo‘raqo‘zieva Mohichehra Anvarjon qizi (Ilmiy rahbar f.f.b.f.d. D.Sobirova) "THE BEST YOUNG SCIENTISTS OF THE COMMONWEALTH OF INDEPENDENT STATES-2021"(MDHning Eng Yosh Olimlari -2021") nomli xalqaro tanlovda oltin medalni qo‘lga kiritdi.

UMUMIY PEDAGOGIKA KAFEDRASI 

ABDULLAYEVA NASIBAXON JO'RAYEVNA 
Kafedra mudiri, pedagogika fanlari doktori, professor

Umumiy pedagogika kafedrasi o‘zining boy va sharafl i tarixiga ega. Andijon davlat pedagogika instituti tashkil topganining dastlabki kunlaridanoq pedagogika fanining o‘qitilishiga alohida e’tibor qaratildi. 1930-yillardayoq institut qoshida mustaqil faoliyat ko‘rsatuvchi pedagogik fanlar seksiyasi ish boshlagan. 

Urush yillari pedagogika fanlari o‘qituvchilari tabiatshunoslik kafedrasida ishlashgan. Pedagogika fanlari bo‘yicha dastlabki o‘qituvchilar A.F.Ardashirov, N.D.Nikitin, V.Makayevlar edi. 1942-yilda kafedrada 2 nafar pedagogika o‘qituvchisi ishlagan. 1944-1945-o‘quv yilida institut sirtqi tayyorlov bo‘limlari ochilishi hisobiga kengayishi bilan uning tarkibida pedagogika va psixologiya kafedrasi mustaqil ilmiy o‘quv-bo‘limi sifatida tashkil topdi. 

N.D.Nikitin o‘sha vaqtdagi kafedra mudiri katta o‘qituvchi va R.M.Kaziyev o‘qituvchi bo‘lib ishlaganlar. 1946-yildan boshlab kafedraga A.F.Ardashirov rahbarlik qildi. Shu yildan boshlab kafedra xususiy metodika bo‘yicha barcha o‘qituvchilarni va pedagogik rahbarlarini ham o‘ziga birlashtirdi. O‘sha yili kafedra tarkibida 15 nafar o‘qituvchi ishladi. 1946-1961 yilllarda kafedrani A.F.Ardashirov, 1961-1963-yillarda kafedraga R.M.Kaziyev va M.V.Shelkunovlar rahbarlik qildilar. Keyingi yillarda kafedrani pedagogika fanlari nomzodi dotsentlar T.Nishonboyev (1963-1969), (1974-1977), B.Vahobjonov (1969-1974), M.Kamoldinov (1978-1993), professor T.H.Hasanov (1987-1998), dotsentlar K.Turg‘unboyev (1998-2003), 2000-2002-yillarda A.Teshaboyev, 2002-2004-yillarda K.Turg‘unboyev, 2004-2005-yillarda F.Yunusov, 2005-2012-yillarda A.Teshaboyev, 2012-2014-yillarda Z.Azimova, 2014-2018-yillarda M.Artikova boshqargan, 2019-yil yanvar oyidan kafedra “Umumiy pedagogika” kafedrasiga o‘zgartirilib, unga dotsent N.Abdullayeva mudir qilib saylandi va hozirgi kungacha boshqarib kelmoqda.

Umumiy pedagogika kafedrasi 2017-2021-yillar davomida ilmiy-pedagogik salohiyat borasida yuqori natijalarga erishdi. Dolzarb va global mavzularda 7 nafar kafedra professor-o‘qituvchilari Pedagogika fanlari bo‘yicha falsafa doktori (PhD) ilmiy darajasini olish uchun tayyorlagan dissertatsiyasini muvaffaqiyatli himoya qildilar.

UMUMTEXNIKA FANLARI VA MEHNAT TA’LIMI KAFEDRASI 

TOSHPO'LATOVA SOBIRAXON YULDASHEVNA 
Kafedra mudiri. Texnika fanlari nomzodi.
Telefon: 0(374)2234052
E-pochta: mexnat_anddu@edu.uz

Kafedra 1989-yilda «Umumtexnika fanlari va mehnat» kafedrasi nomi bilan tashkil topgan. Kafedraga dotsent Sh.X.Ikromov mudir vazifasini bajaruvchi etib tayinlandi. Kafedraga dotsentlar A.B.Baratov, I.M.Sodiqov, texnika fanlari nomzodi A.A.Zaparov, katta o‘qituvchilar A.Zulunov, A.Abdullayevlar ishga o‘tdilar. 1990-1991-yillarda texnika fanlari nomzodi, dotsent D.Mamatisaqov rahbarlik qildi. 

Kafedraga yosh o‘qituvchilardan L.Olimov va N.Ortiqov ishga keldilar. Dotsent D.Mamatisaqov fizika fakulteti dekani vazifasiga o‘tgandan so‘ng 1991-1992-yillarda kafedra mudiri lavozimida texnika fanlari nomzodi, dotsent I.M.Sodiqov, 1992-1997-yillarda texnika fanlari nomzodi, dotsent A.A.Zaparov rahbarlik qildi. Bu davrda kafedraning ilmiy-pedagogik potensialida ijobiy o‘zgarishlar bo‘ldi, jumladan, texnika fanlari nomzodlari, dotsentlar M.Xalilov, X.Akbarov ishga keldilar. Bu davrda o‘quv laboratoriyalari xonalari jihozlanib, kafedraning o‘quv-moddiy bazasi yaxshilandi.

O‘zbekiston va chet el oliy o‘quv yurtlari, ilmiy tekshirish institutlari bilan aloqalar kengaytirildi. Universitetda optimallashtirish ishlari natijasida kafedra umumiy fizika kafedrasi bilan birlashtirilib “Umumiy fizika va texnika fanlari” nomi bilan yuritila boshladi va unga fizika-matematika fanlari nomzodi, dotsent U.Abduboqiyev mudirlik qildi. 1999-yilda talabalar kontingentining ortishi va kafedrada o‘quv yuklamasida soatlarning ko‘payishi natijasida kafedra ikkiga “Umumiy fizika” va “Umumtexnika fanlari” kafedralariga ajratildi. Kafedraga mudir etib fizika-matematika fanlari nomzodi X.Axunov saylandi. 2000-2002-yillarda fizika-matematika fanlari nomzodi L.Olimov boshqardi. Uning tashabbusi bilan yarim o‘tkazgich materiallar bo‘yicha ilmiy tadqiqot ishlari rivojlantirildi. 

2002-2015-yilgacha kafedra mudiri vazifasida dotsent A.A.Zaparov ishladi. Kafedra 2005-yil iyun oyidan boshlab «Mehnat ta’limi» kafedrasi deb nomlandi. Kafedraga kompozitsion materiallar texnologiyasi bo‘yicha Respublikamizda yetakchi olimlardan professor A.B.Djumaboyev taklif qilindi. 2015-yilning sentyabr oyidan boshlab kafedrada mudirlik vazifasini texnika fanlari nomzodi M.U.To‘rayev boshqarmoqda. Bugungi kunda kafedrada professor A.B.Djumaboyev, dotsentlar Sh.X.Ikromov, A.A.Zaparov, katta o‘qituvchilar S.Ubaydullayev, S.Toshpo‘latova, M.Nurmatov assistentlar G.Mamajonova, Sh.Jaloldinova ishchi xodimlar R.Tuychiyev, M.Kambarova va F.Botirovalar faoliyat ko‘rsatmoqdalar. Kafedraning professor-o‘qituvchilari o‘zlarining shaxsiy ish rejalari, kafedraning yillik ish rejalari va ilmiy-uslubiy seminarlari rejalariga kiritilgan kun tartibidagi masalalar yuzasidan topshiriqlarni bugungi davr talabida bajarib astoydil xizmat qilmoqdalar.

Kafedrada Toshkent Texnika universitetining «Fan va taraqqiyot» ilmiy-texnologik kompleksi filiali ochildi, unga jalb qilingan kafedraning 4 nafar professor-o‘qituvchilari nomzodlik dissertasiyasini himoya qildilar. 2015-2019 yillarda dosent M.U.To‘rayev, 2019-2020 yillarda dotsent X.J.Mansurov kafedra mudiri vazifasini bajardilar. Hozirgi vaqtda katta o‘qituvchi S.Y.Toshpo‘latova kafedraga rahbarlik qilmoqda.