Kecha, 25-noyabr kuni Andijon davlat universiteti katta majlislar zalida Kimyo kafedrasi tomonidan “Qiziqarli kimyo” kechasi bo‘lib o‘tdi. Unda kafedra qoshida tashkil etilgan to’garak a’zolari, Tabiiy fanlar fakulteti kimyo yo‘nalishi 3-kurs 301-va 302-guruh talabalari o‘zaro bellashdilar. Guruhlar 4 shart asosida kuch sinashdilar.

Birinchi tanishtiruv shartida guruh ishtirokchilari kimyo faniga bog’lab o‘zlarini tanishtirdilar.

Ushbu shartda 301-guruh talabalari ishtirokchilarni qiziqtirish uchun kimyoviy chaynvord tanlovini uyishtirishdi. Unda 202-guruh talabasi Avazbekov Ilyosbek g‘olib deb topildi.

“Olimlar haqida ma’lumot” shartida 301-guruh talabalari k.f.d., professor, O‘zbekistonda xizmat ko‘rsatgan ixtirochi, O‘zbekiston Tabobat akademiyasi raisi I.R.Asqarov va O‘zbekiston qahramoni, dotsent K.G‘opirovlar hamda ularning ilmiy faoliyati haqida ma’lumot berdilar. 302-guruh talabalari esa buyul kimyogar olima, Nobel mukofoti sovrindori M.S.Kyuri va M.A.Butlerov haqida ma’lumotlar berdilar.

Uchinchi shart - Kimyoviy viktorinada ikki guruh talabalari qisqa saqol-javoblarda sinaldilar.

Kimyoviy tajriba shartida ishtirokchilar qiziqarli demostratsion tajribalarni namoyish qilishdi.

Mantiqiy savollar shartida har bir jamoa 3 tadan kimyoviy mantiqiy savollarga javob berdilar.

Sardorlar bellashuvi shartida esa har ikkala guruh sardorlari kimyoviy krossvord yechdilar.

Umumiy natijalarga ko‘ra 327:310 hisob bilan 301-guruhning "Laborant" jamoasi g‘olib deb topildi.

Ushbu baxslar oralig’ida 302-guruh talabalari o’zlarining badiiy chiqishlari bilan barchaga xush kayfiyat bag’ishladilar. Xususan, ustozlar uchun kelin salom, 302-guruh talabasi Usmonova Iltijo "Shukr qilib yashang..." nomli she’rni o‘qib berishi, qiziqarli va kulgili chiqishlar davraga ko’tarinki ruh bag’ishladi.

G‘oliblarni va faol ishtirok etgan talabalarni kafedramiz ustozlari Sh.H.Abdullaev, N.Q.To‘lakov, G‘.N.Madrahimovlar sovg‘alar va faxriy yorliqlar bilan taqdirladilar.