Andijon davlat universiteti Jismoniy madaniyat fakulteti 4 bosqich talabasi Ubaydullaev Farruxbek Shuxratbek o‘g‘li Professional MMA sport turi bo‘yicha JMFS versiyasida Asian oltin kamarini muvaffaqiyatli himoya qildi.

U joriy yilning 2 noyabr kuni Qirg‘izistonning Qizilqiya shahrida JMFS tomonidan tashkil etilgan MMA kechasining asosiy jangida 77 kg vazn toifasida tojikistonlik raqibi Melisbek Abdurashid o‘g‘li bilan Osiyo oltin kamarini himoya qilish uchun oktagonga chiqib, raqibini birinchi raundning o‘zidayoq mag‘lub etdi.

Jang Farruxbekning xujumlari bilan boshlandi. Raundning o‘rtalarida raqibining bosh qismiga qattiq zarba berib qulatdi va ushlab og‘ritish usuli bilan raqibini taslim qildi.

Farruxbek Ubaydullaev ushbu g‘alaba bilan yana bir bor JMFSda o‘z vaznida tengsiz ekanligini isbotladi va mamlakatimiz bayrog‘ini yuqori ko‘tardi.