Prezidentimizning 5 ta muhim tashabbusini ijrosini ta’minlash uchun ishlab chiqilgan yo’l xaritalari bo’yicha universitetimiz professor-o’qituvchilari va talabalari joylarda turli tadbirlar tashkil etmoqdalar.

Xususan, Pedagogika kafedrasi dotsenti, pedagogika fanlari nomzodi Arofatxon Negmatova Paxtaobod tumanidagi 26-umumta’lim maktabiga tashrif buyurib, maktab kutubxonasiga 50 ga yaqin badiiy kitoblar jamlanmasini taqdim etdi.

Shuningdek, u tumandagi 25-bolalar musiqa va san’at maktabiga borib, maktabda tashkil etilgan to’garaklar faoliyati bilan tanishdi. To’garaklar faoliyatida bevosita ishtirok etgan A.Negmatova maktab o’qituvchilariga va o’quvchilariga o’zining tavsiyalarini berdi.

Tabiiy fanlar fakulteti biologiya yo'nalishi talabasi, Yoshlar ittifoqi faol a'zosi No'monjonov Muhiddin joriy yilning 10 may kuni Oltinko'l tumani 34-umumta'lim maktabiga tashrif buyurib, o'quvchi yoshlar o'rtasida rassomchilik tanlovi va shaxmat sport turi bo’yicha maktab “shaxmat taxtasi” musobaqasini tashkil qildi. G'oliblarni esa badiiy kitoblar va esdalik sovg'alar bilan taqdirladi.