Avval xabar berganimizdek, O‘zbekiston Respublikasi Prezidenti Shavkat Mirziyoyevning yoshlar ma’naviyatini yuksaltirish va ularning bo‘sh vaqtini mazmunli tashkil etish bo‘yicha 5 ta muhim tashabbusga oid chora-tadbirlarni bajarilishi yuzasidan Andijon davlat universitetida bir qator ishlar amalga oshirilmoqda.

Ayniqsa, Chet tillar fakultetida talabalarning malakaviy amaliyot davrida ushbu tashabbuslar bo’yicha turli tadbirlar tashkil etayotgani tahsinga sazovor.

Kecha Andijon tumaning 8- va 10-umumta’lim maktablarida Andijon davlat universiteti Chet tillar fakulteti fransuz tili va adabiyoti yo'nalishi 101-102-guruh murabbiylari G.Mamasolieva va L.Saidova hamda ushbu maktablarda o’quv tanishuv amaliyotini o’tayotgan guruh talabalar Prezidentimizning 5 ta muhim tashabbusi doirasida hamda Fransuz tili fani oyligi yakuni bo’yicha katta bayram tadbiri tashkil qilindi.

Talabalar maktab o’quvchilari ishtirokida she’r, qo’shiq, kuy va ko’ngilochar sahna ko’rinishlari tashkil qildilar. Maktablar jamoalariga jami 60 dan ortiq kitoblar taqdim etib, kichik kutubxona tashkil qilib berdilar.