Bugungi kunda ayollar jamiyatning deyarli barchajabhalarida faoliyat yuritib kelmoqdalar. Lekin ular, eng avvalo ona, opa-singil. Ziyrak, odob-axloq va hayo singari hislatlarni o'z siymosida gavdalantira olgan bunday qizlarga tasanno aytish kerak.

Shu maqsadda Respublika "Mahalla"telekanali bilan hamkorlikda "Mahalla malikalari" teleko'rsatuvi tayyorlandi. Unda Andijon davlat univèrsitetining lobar qizlari qatnashib, o'z mahoratlarini ko'rsatdilar. 5 ta shart bo'yicha murosasiz, qizg'in bellashgan qizlar batcha shartlarda sharq ayollariga xos bo'lgan madaniyat, odob-axloq namunalarini ko'rsatib bera oldilar.

Ayniqsa, sahna ko'rinishi shartida ular ko'tarib chiqqan dolzarb mavzular kishini o'ylantirmay qo'ymaydi. Ushbu shartni bajarish orqali jamiyat hayoti v unda mavjud muammolar yechimiga befarq emasliklarini yana bir bor isbotladilar. Tanlov so'ngida xorijiy tillar fakulteti talabasi Ismoilova Barnoxon g'olib deb topilib, diplom va esdalik sovg'alari bilan taqdirlandi. Qolgan ishtirokchi qizlarimizga turli nominatsiya egalari sifatida faxriy yorliq va kitoblar topshirildi.

Xurshidaxon A'ZAMJONOVA
Universitet "Kamolot" YIH xorijiy tillar fakulteti yetakchisi