Fizika-matematika fakultetida yoshlarni ma’naviyatini yuksaltirish, ularni bugungi kundagi yaratilayotgan sharoitlardan oqilona foydalanishga chorlash maqsadida fakultetni 1968-yil bitirgan keksa avlod vakillari va talabalar uchrashuvi tashkil etildi. Uchrashuvda 7 nafar keksa avlod vakillari, fakultet dekani M.Maxkamov, axborot texnologiyalari kafedrasi mudiri A.Medatov, fizika kafedrasi mudiri M.Nosirov, matematika kafedrasi dotsenti A.Toxirov, fizika kafedrasi o'qituvchisi E.Muxtorov hamda 15 nafar 1-kurs talabalari ishtirok etishdi.

Uchrashuvda sobiq bitiruvchilar o’zlari o’qigan davr mashaqqatlari, o’qish uchun sharoitlar, imkoniyatlar yetarli emasligi, adabiyotlar yetishmasligi va boshqa ko’plab jonli misollar orqali o’zlari o’qigan davrlari ruhiyatini ko’rsatib berdilar va bugungi kun talabasi bilim olish uchun katta imkoniyatlarga ega ekanligini, kutubxonalardagi sharoitlar a’lo ekanini, zamonaviy laboratoriya xonalarining mavjud ekani, xatto universitetda bugungi kunda internet tarmoqlari orqali Oxford universiteti laboratoriyalari bazalaridan foydalanish imkoniyatlarining yaratilganligi katta avlod vakillari uchun orzu qilib bo’lmaydigan imkoniyatlar ekanini ta’kidladilar.

Talabalar bu uchrashuvdan katta taassurotlar oldilar. Bu uchrashuv ularni o’qishga bo’lgan ishtiyoqini yanada oshirishi tayin.