Bugun Muhtaram Prezidentimizning 19-martdagi videoselektor yig’ilishida bergan topshiriqlari ijrosini ta’munlash, sog’lom turmush tarzini targ’ib qilish, sport turlariga qiziquvchi yoshlarni sportga keng jalb qilish maqsadida Andijon shahrida viloyat Yoshlar Ittfoqi tashabbusi bilan "Yoshlar marafoni" tashkillashtirildi.

Ushbu marafonda viloyatdagi barcha oliy ta’lim muassasalari talabalari, kollej va maktab o'quvchilari ishtirok etdi. Oliy ta’lim muassasalarining o'g'il bolalar o'rtasida bo'lib o'tgan musoboqada 1-o'rinni Andijon davlat universiteti jismoniy madaniyat fakulteti talabasi Jakbarov Alisher, 2-o'rinni Toshkent davlat agrar universiteti Andijon filiali talabasi Ro'ziboyev Zokirjon va 3-o'rinni Yuldashev Shaxbozlar egalladi.

Qizlar o'rtasidagi o’tkazilgan musobaqada esa barcha o'rinlarni universitetimizning jismoniy madaniyat fakulteti talaba qizlari egallashdi. 1-o'rinni Karimova Oyshaxon egallagan bo’lsa, 2 va 3 o'rinlarni mos ravishda Qurbonova Zuhraxon hamda To'xtasinova Komilaxonlar egalladilar. G’oliblar tashkilotchilar tomonidan diplom va esdalik sovg'alari bilan taqdirlandilar.