Ayol borki olam munavvar! Darhaqiqat, ayol ona, ayol rafiqa, ayol singil. Bu muqaddas bir zotki, uning bilan olam munavvar, uning bilan oila vatan, xonadon oboddir. Yangilanish, yosharish, bahor faslining ilk bayrami aynan ayollarga atalgani bejiz emas albatta. Ayol – bu sadoqatli yor, ko’ngillarga zavq-shavq bag’ishlovchi, hayotni go’zal qiluvchi, ibo-hayoni o’zida mujassam etgan bir xilqat…

Universitetimizda ayollarga bag’ishlangan tadbirlar qatorida universitet professor-o’qituvchilari hamda talabalar o’rtasida sportning volleyboll, shashka, shaxmat, stol tennis turlari bo’yicha musobaqalar o’tkazildi.

Ayniqsa, shashka bo’yicha musobaqalar qizg’in tus oldi. Aql sporti deya nom olgan shashka baxslarida Fizika-matematika fakulteti ayol professor-o’qituvchilari faol ishtirok etishdi va Matematika kafedrasi ayollari barcha o’rinlarni o’zlariniki qilib olishdi. Musobaqa natijalariga ko’ra faxrli 1-o’rinni Soliyeva Halima, 2-o’rinni Ablazova Kamola, 3-o’rinni To’lanova Bahrinisolar egallashdi. G’oliblarga esdalik sovg’alari topshirildi.