Oldin ham xabar berganimizdek, universitetimizda 8-mart Xalqaro xotin-qizlar kuni munosabati bilan turli tadbirlar, bayram dasturlari, badiiy kechalar o’tkazilmoqda. Ayollarimiz ko’nglini olish uchun barcha birdek yelib yugurgan.

2019 yil 5 mart kuni 2-TTJ ma'naviyat xonasida filologiya fakulteti o'zbek tili yo'nalishi 201-202-guruh talabalari "Sizdan umrbod qarzdormiz, onajon!" nomli bayram dasturini onalariga taqdim etildi. Tadbir davomida onalarni madh etuvchi she’rlar o’qildi, badiiy chiqishlar tayyorlandi. Filologiya fakulteti professor-o'qituvchilari talabalarning onalarini bayram bilan tabriklab, ularga shunday farzandlar tarbiyalayotganlari uchun tashakkur izhor etdilar.

Ushbu guruhda o’qiydigan talabalar turar joyida istiqomat qiluvchi barcha talabalar o’z onalarini universitetga taklif qilib, ular sharafiga bag’ishlangan bayram dasturini taqdim etdilar. Talabalarning onalari ko’zlarida quvonch, qalblarida faxr-iftixor tuyg’ulari jo’sh urdi.