Adabiyot inson ko’nlining eng nozik torlarini chertuvchi ajib hodisadir. U insonga badiiy zavq berish bilan bir qatorda uni tarbiyalaydi, ma’naviy qiyofasini shakllantiradi. Yoshlarni adabiyot bilan oshno etish, ular qalbida adabiyotga muhabbat urug’larini qadash orqaligina biz uni saqlab qolamiz, kelajak avlodga yetkazamiz. Andijon davlat universiteti filolog olimlari va ijodkorlari bu jabhada qizg’in mehnat qilmoqdalar.  

Xususan, 2019 yil 28 fevral kuni Zahiriddin Muhammad Bobur nomidagi Viloyat Axborot-rusurs markazida Andijon davlat universiteti o‘zbek adabiyotshunosligi kafedrasi professor-o‘qituvchilari D.Quronov, H.Karimov, Z.Mamajonov, D.Abdullaeva hamda o‘zbek tili yo‘nalishi talabalari, Yozuvchilar uyushmasi Andijon viloyati bo‘limi a’zolari, ijodkorlar, adiblar, iqtidorli talabalar ishtirokida Omonillo Valixonov (Boqir) ijodi va uning yangi nashr etilgan “Sog‘inch” nomli kitobi taqdimoti bo‘lib o‘tdi.

Shuningdek, tadbirda o‘zbek tili yo‘nalishi talabalari ijrosida Boqir g‘azallaridan namunalar o‘qildi. Kafedra professor-o‘qituvchilari va yozuvchilar Boqir ijodi bo‘yicha o‘z ma’ruzalari bilan ishtirok etdilar. Tadbir yoshlar o‘rtasida kitobxonlikni keng targ‘ib etuvchi ma’naviy-ma’rifiy, ijodiy ruhda o‘tgan tadbir sifatida qatnashchilarda katta taassurot qoldirdi deyish mumkin.