Muhtaram professor-o‘qituvchilar, ishchi xodimlar va barcha talabalar! Sizlarni 21 fevral  -“ Xalqaro ona tili kuni” munosabati bilan o‘tkazilayotgan ommaviy diktant tadbiriga taklif etamiz.

Diktant o‘tkazishdan maqsad: Ona tilimizdan foydalanishda yozma savodxonlik darajamizni aniqlash va o‘zga tilli guruhlarda tahsil olayotgan boshqa millat vakillariga o‘zbek tili imlo qoidalarini o‘zlashtirish va foydalanishlariga yordam berish, diktant orqali tilni o‘zlashtirish darajasini va imlo savodxonligini nazoratdan o‘tkazishdan iborat.

 O‘tkazilish tartibi: diktant quyidagi yo‘nalishlar asosida ko‘rsatilgan auditoriyalarda  tashkil qilinadi.

1. Ishchi xodimlar o‘rtasida (1-ma’ruzalar zali)

2. Professor-o‘qituvchilar o‘rtasida (2-ma’ruzalar zali)

3.O‘zga tilli guruhlarda tahsil olayotgan talabalar o‘rtasida (2-ma’ruzalar zali)

4.O‘zbek tilida tahsil olayotgan talabalar o‘rtasida (4-ma’ruzalar zali)

 Diktant barcha uchun ixtiyoriy bo‘lib, diktant matni ishtirokchilarning tanloviga muvofiq kirill va lotin yozuviga asoslangan o‘zbek alifbolarida yoziladi.

Faol ishtirokchilar tashkilotchilar tomonidan taqdirlanadilar.

 Ommaviy diktant o‘tkazish tashkilotchilari:

 Andijon davlat universiteti, Filologiya fakulteti

O‘zbek tilshunosligi kafedrasi

 O‘tkazish muddati: 21 fevral, 2019 yil. Soat 14.00

 O‘tkazish manzili: Andijon shahri, Universitet ko‘chasi, 129-uy Andijon davlat universiteti. Ma’ruzalar zali.

Ommaviy diktant tadbirida ishtirok etishni xohlovchilar 1 dona daftar (yo‘llik) olib kelishlari so‘raladi.

 Murojaat uchun mas’ullar: +(99899) 3267515 Ergashev Abduhalim Abdujalilovich

+(99891) 4995919  Umarov Adaxamjon Abdusalomovich