Bugun, 28-avgust kuni Andijon davlat universitetining katta majlislar zalida universitet rektori Baxtiyorjon Akbaraliyev raisligida 2025/2026 o‘quv yilidagi 1-sonli Kengash yig‘ilishi bo‘lib o‘tdi.

Dastlab, universitet rektori O‘zbekiston Respublikasi qonunlari, Prezident farmon va qarorlari hamda Oliy ta’lim, fan va innovatsiyalar vazirligi buyruqlari mazmuni bilan Kengash a’zolarini tanishtirdi. Shuningdek, jamoalarni amaldagi qonunchilik va normativ-huquqiy hujjatlardagi yangiliklar bilan muntazam tanishtirib borish mas’ullarga vazifa sifatida topshirildi.

Shundan so‘ng kun tartibidagi masalalar ko‘rib chiqildi. Jumladan, 2025/2026 o‘quv yili uchun Andijon davlat universiteti Kengashi tarkibini, yangi o‘quv yiliga oid o‘quv-me’yoriy hujjatlarni hamda yoshlar bilan ishlash va ma’naviy-ma’rifiy ishlarni tashkil etish bo‘yicha amalga oshiriladigan chora-tadbirlar rejasini tasdiqlash, shuningdek, yangi o‘quv yiliga tayyorgarlik jarayonlari yuzasidan prorektorlarning hisobotlari tinglanib, kengash a’zolari tomonidan atroflicha muhokama etildi.

Yig‘ilish yakunida Kengash a’zolari tomonidan bildirilgan savol, taklif va mulohazalar atroflicha muhokama qilindi. Ushbu fikrlar asosida universitet faoliyatini yanada takomillashtirish, ta’lim jarayonini rivojlantirish hamda yoshlar tarbiyasi va ma’naviyatini yuksaltirishga qaratilgan istiqbolli chora-tadbirlar belgilab olindi.