Muhtaram Prezidentimiz Shavkat Mirziyoyevning ta’limga oid videoselektorda ilgari surgan yangi tashabbusi bo‘yicha ko‘plab savollar kelib tushmoqda. Quyida shu haqda eng muhim 5 ta faktni bilib oling:

Qachondan boshlanadi?
Bu tartib keyingi yildan emas, aynan joriy yildan (2025-yildan) kuchga kiradi.

Tartibi qanday bo‘ladi?
Hozircha aniq tartibi tasdiqlanmagan. Mas’ul vazirlik bir nechta variant ustida ish olib bormoqda. Rasmiy tartib tasdiqlangach, qo‘shimcha ma’lumot beriladi.

Kimlar uchun?
Bu imkoniyat faqatgina tanlagan beshala yo‘nalishiga ham (na grant, na kontraktga) kira olmagan abituriyentlar uchundir. Agar birorta yo‘nalishga qabul qilingan bo‘lsangiz, bu tartib sizga taalluqli emas.

Bu super-kontraktmi?
Yo‘q, bu super-kontrakt emas. Bu imkoniyat faqat kvotasi to‘lmay qolgan o‘rinlar hisobidan taqdim etiladi. Agar biror yo‘nalishda barcha o‘rinlar to‘lgan bo‘lsa, unga oltinchi yo‘nalish sifatida tanlov bo‘lmaydi.

Qaysi yo‘nalishni tanlash mumkin?
Oltinchi yo‘nalishni tanlashda abituriyentning fanlar majmuasi mos kelishi shart. Masalan, biologiya fanidan imtihon topshirgan abituriyent yurisprudensiya yo‘nalishini tanlay olmaydi.

Demak, bu yil o‘qishga kira olmaganlar uchun qo‘shimcha imkoniyat bo‘ladi, lekin uning aniq tartib-qoidalari hali e’lon qilinmadi.