Andijon davlat universitetida O‘zbekiston Respublikasi Prezidenti hamda nomli davlat stipendiyalariga da’vogar bakalavr hamda magistrlar uchun tanlovning oliygoh bosqichidagi navbatdagi bosqich — O‘zbekiston tarixi fanidan imtihonlar o‘tkazildi.

Sinovlar stipendiya tanlovi tartibiga muvofiq, nomzodlarning O‘zbekiston tarixi bo‘yicha bilim darajasini aniqlash, tarixiy voqealarni tahlil qilish va muloqot madaniyatiga oid ko‘nikmalarini baholashga qaratildi.

Mazkur tanlov yoshlar orasida sog‘lom raqobat muhitini shakllantirish, O‘zbekiston tarixiga oid chuqur bilimlarga ega, tashabbuskor va intellektual salohiyatli talabalarni rag‘batlantirishda muhim ahamiyat kasb etadi.