Andijon davlat universitetida ta’lim sifatini yanada oshirish, professor-o‘qituvchilar va talabalarning samarali faoliyat yuritishi uchun qulay shart-sharoitlar yaratish maqsadida 2025/2026 o‘quv yiliga tayyorgarlik doirasida keng ko‘lamli ta’mirlash va obodonlashtirish ishlari olib borilmoqda.

Xususan, ayni kunlarda universitetning asosiy binosidagi ma’ruza va o‘quv xonalari, koridorlar hamda sport zallari kapital ta’mirdan chiqarilmoqda.

Ta’mirlash jarayonlari malakali ustalar tomonidan belgilangan me’yor va talablar asosida sifatli hamda jadal sur’atlarda olib borilmoqda. Ushbu islohotlar talabalarning bilim olish jarayonini yanada samarali, qulay va qiziqarli tashkil etishga xizmat qiladi.