Bugun, 16-iyul kuni Andijon davlat universitetida 2025/2026 o‘quv yili uchun kunduzgi ta’lim shaklida alohida iqtidor talab qiluvchi ta’lim yo‘nalishlariga qabul jarayonlari doirasida kasbiy (ijodiy) imtihonlarning to‘qqizinchi kuni o‘tkazilmoqda.

Bugungi kasbiy (ijodiy) imtihonlarda jami 144 nafar abituriyent sport faoliyati (boks) hamda adaptiv sport va jismoniy tarbiya yo‘nalishlari bo‘yicha ishtirok etishi rejalashtirilgan. Imtihonlar ikki smenada — ertalab soat 08:00 dan kechki 18:00 gacha davom etadi.

Imtihonlarning shaffof va adolatli o‘tishini ta’minlash uchun universitetning “Komplayens nazorat” tizimi — Korrupsiyaga qarshi kurashish bo‘limi xodimlari tomonidan doimiy monitoring amalga oshirilmoqda. Imtihon o‘tkazilayotgan barcha hududlar to‘liq videokuzatuv ostida bo‘lib, jarayonni live.adu.uz sayti orqali real vaqt rejimida kuzatish imkoniyati taqdim etilgan.

Abituriyentlarning ota-onalari uchun Andijon davlat universitetining birinchi ma’ruzalar zalida maxsus kutish xonasi tashkil etilgan. Ushbu xonada o‘rnatilgan monitorlar orqali imtihon jarayonini to‘g‘ridan-to‘g‘ri kuzatish mumkin. Bundan tashqari, imtihonlar davomida xavfsizlikni ta’minlash maqsadida universitet hududida ichki ishlar organlari xodimlari va tibbiyot mutaxassislari jalb etilgan.