Bugungi kunda oliy ta’lim muassasalari bitiruvchilarining bandligini ta’minlash masalasi har qachongidan ham dolzarb ahamiyat kasb etmoqda. Xususan, Andijon davlat universitetida ushbu yo‘nalishda tizimli ishlar izchil olib borilmoqda.

Mazkur tashabbus doirasida Andijon davlat universiteti rektori Baxtiyorjon Akbaraliyev universitetni tamomlayotgan, ish boshlash istagini bildirgan bitiruvchilar bilan bevosita uchrashdi. Uchrashuvda universitet tizimidagi mavjud bo‘sh ish o‘rinlari haqida batafsil ma’lumot taqdim etildi va kasbiy yo‘nalishlari, mehnat bozoridagi imkoniyatlari va ishga joylashish istiqbollari yuzasidan amaliy tavsiyalar hamda individual takliflar berildi.

Shuningdek, fakultet dekanlari, ularning o‘rinbosarlari hamda kafedra mudirlari tomonidan bitiruvchilarning umumta’lim muassasalari, ichki ishlar organlari va boshqa kasbiy yo‘nalishlar bo‘yicha ishga joylashish jarayonida yuzaga kelayotgan turli qiyinchiliklarni bartaraf etish maqsadida amaliy yordam ko‘rsatilmoqda. Bitiruvchilarning individual holatlari o‘rganilib, muammolarni hal etishga alohida e’tibor qaratilmoqda.

Yosh mutaxassislarning mehnat bozorida o‘z o‘rnini topishi hamda bitiruvchilarning kasbiy faoliyatga muvaffaqiyatli kirishini ta’minlash maqsadida Andijon davlat universiteti barcha kuch va imkoniyatlarini safarbar etmoqda.