Andijon davlat universitetida “Dolzarb 90 kunlik” loyihasi doirasida talaba-yoshlarning bo‘sh vaqtlarini mazmunli tashkil etish, sog‘lom turmush tarzini targ‘ib qilish va ularni sport bilan muntazam shug‘ullanishga jalb etish maqsadida turli sport yo‘nalishlari bo‘yicha muntazam mashg‘ulotlar yo‘lga qo‘yilgan.

Mazkur tashabbus doirasida tashkil etilgan boks, yengil atletika, futbol kabi sport to‘garaklari nafaqat universitet talabalari, balki uyushmagan yoshlar uchun ham ochiq bo‘lib, bu yo‘nalishlar bo‘yicha tajribali murabbiylar ishtirokida muntazam mashg‘ulotlar olib borilmoqda.

Bugun, 30-iyun kuni tashkil etilgan navbatdagi sport mashg‘ulotlarida 50 nafarga yaqin yoshlar faol ishtirok etdi. Ular orasida universitet talabalari bilan bir qatorda uyushmagan yoshlar ham bor bo‘lib, boks, futbol va yengil atletika yo‘nalishlarida jismoniy tayyorgarliklarini oshirishdi.