Bugungi kunda yoshlarga yaratib berilayotgan imkoniyatlar, qulay shart-sharoitlar o‘zining ijobiy samarasini bermoqda desak mubolag‘a bo‘lmaydi. Aynan Andijon davlat universiteti sport va san'at fakulteti talabalarining bu galgi hisobot konsert dasturi ham fikrimizning yorqin isbotidir.

Bugun, 2-iyun kuni Andijon davlat universitetida Cholg‘u ijrochiligi va vokal san’ati yo‘nalishlarida tahsil olayotgan talabalardan tashkil topgan “Nihol” yoshlar jamoasining 2024/2025-o‘quv yili yakuniga bag‘ishlangan hisobot konsert dasturi bo‘lib o‘tdi.

Konsert davomida talabalar o‘z ijodiy mahoratlarini namoyon etib, milliy kuy-qo‘shiqlar, maqom yo‘nalishidagi ijrolar, jonli vokal va cholg‘u chiqishlari orqali tomoshabinlarga unutilmas taassurotlar ulashdilar. Ayniqsa, maqom san’atining nozik ohanglari va murakkab ijro uslublari yoshlarning yuksak tayyorgarligi va mehrini ko‘rsatdi.