Bugun, 13-may kuni Andijon davlat universiteti rektorining 37-sonli buyrug‘iga asosan, Tabiiy fanlar fakulteti dekani N.To'xtaboyev boshchiligida Pedagogika kafedrasi professori F.Komilova, dotsent R.Yankinalar Jalaquduq tumanidagi 17-umumta'lim maktabida bo'lib, xalqaro baholash — PISA dasturi va joriy etilgan baholash metodologiyasi bilan yaqindan tanishdilar.

Unda universitet vakillari maktabda PISA baholash tizimining qo‘llanilishi, o‘quvchilarning funksional savodxonligini aniqlashda qanday yondashuvlar qo‘llanilayotgani, test topshiriqlarining mazmun-mohiyati hamda ularni tahlil qilish uslublari bo‘yicha amaliy ma’lumotlarga ega bo‘lishdi.

Shuningdek, universitetimiz jamoasi maktab o‘qituvchilari bilan ochiq muloqot o‘tkazib, PISA baholash tizimini o‘quv jarayoniga integratsiyalash, talabalarni tanqidiy va tizimli fikrlashga yo‘naltirish bo‘yicha tajriba va fikr almashdi.