Bugun, 13-may kuni Andijon davlat universitetida Yoshlar masalalari va ma'naviy-ma'rifiy ishlar bo‘yicha birinchi prorektor Talantbek Madumarov boshchiligida fakultet dekan o‘rinbosarlari, tyutorlar, yoshlar yetakchisi va koordinatorlar ishtirokida kengaytirilgan yig‘ilish o‘tkazildi.

Yig‘ilishda dastlab, yoshlar bilan ishlash faoliyatining samaradorligini oshirish, ularning muammolarini o‘rganish va bartaraf etish, shuningdek, ijtimoiy-ma’naviy muhitni sog‘lomlashtirish borasida amalga oshirilayotgan ishlar chuqur qilindi.

Shundan so‘ng, fakultetlarda olib borilayotgan ma’naviy-ma’rifiy ishlarning bugungi holati, talaba-yoshlar orasida sog‘lom turmush tarzini targ‘ib qilish, bo‘sh vaqtlarini mazmunli tashkil etish, ijtimoiy faollikni oshirishga qaratilgan tashabbuslar yuzasidan fikrlar tinglandi.

Yig‘ilish yakunida prorektor tomonidan yig‘ilish ishtirokchilariga yoshlar bilan ishlashda shaxsiy mas’uliyatni oshirish, ularning har bir muammosiga befarq bo‘lmaslik, talaba-yoshlar bilan doimiy muloqotni yo‘lga qo‘yish zarurligi alohida ta’kidlandi.