Andijon davlat universitetining 5-sonli talabalar turar joyida talaba-qizlarning bo'sh vaqtlarini mazmunli tashkil etish hamda ularning kasbiy va ijtimoiy rivojlanishini ta'minlash maqsadida "Mohir qo'llar" to'garagi doirasida "Tikuvchilik" bo'yicha mashg'ulotlar o'tkazildi.

Mashg‘ulot davomida Filologiya fakulteti xotin-qizlar masalalari bo‘yicha dekan maslahatchisi D. Xodjayeva talaba-qizlar bilan birgalikda milliy matolar bilan ishlash hamda ularni bezak sifatida qo‘llash bo‘yicha master-klass darslarini olib bordi. Ayniqsa, bu safargi mashg‘ulotda ishtirokchilar o‘z qo‘llari bilan milliy uslubda yostiq tikish amaliyotini bajarishdi.

Aytish joizki, universitetimizda tizimli ravishda o'tkazilayotgan tikuvchilik to‘garagi talaba-qizlar uchun nafaqat qo‘shimcha hunar o‘rganish maydoni, balki ijodiy fikrlash, mehnatsevarlik va zamonaviy hayot talablariga mos ko‘nikmalarni shakllantirishda ham muhim ahamiyat kasb etadi.