Bugun, 28-mart kuni Andijon davlat universitetida viloyat IIB boshlig‘i, polkovnik Sanjar Djabarov boshchiligida talaba-yoshlar o‘rtasida huquqiy madaniyatni yuklsatirish, yoshlar o‘rtasidagi huquqbuzarliklarni oldini olish va kamaytirish, ularning salohiyatini to‘g‘ri yo‘naltirish yuzasidan ochiq muloqot bo'lib o'tdi.

Uchrashuv avvalida ichki ishlar boshqarmasi boshlig‘i talaba-yoshlar bilan ular orasida sodir etilayotgan huquqbuzarlik va jinoyatlarning oldini olishga qaratilgan chora-tadbirlar yuzasidan so‘z yuritib, jamoat tartibini saqlashda yoshlarning roli muhimligi aytdi.

Uchrashuv davomida yoshlar o‘rtasida huquqiy ongni rivojlantirish, jinoyatlarning oldini olish borasida turli tadbirlar, davra suhbatlari o‘tkazish, huquqbuzarliklarning kamayishiga erishish maqsadida universitet bilan IIB o‘rtasida hamkorlikni yanada mustahkamlash zarurligi ta'kidlandi.

Samimiy va ochiq muloqot tarzida o'tgan uchrashuvda talaba-yoshlar o‘zlarini qiziqtirgan savollarni berib, huquqbuzarlik va jinoyatlarning oldini olish borasida o‘z fikrlarini bildirdilar.