Bugun, 28-aprel kuni Andijon davlat universitetining katta majlislar zalida universitet rektori Baxtiyorjon Akbaraliyev raisligida 2024/2025-o'quv yilidagi 10-sonli Kengash yig'ilishi bo'lib o'tdi.

Dastlab, universitet rektori Oʻzbekiston Respublikasi qonunlari, Prezident farmon va qarorlari, Oliy taʼlim, fan va innovatsiyalar vazirligi buyruqlari bilan Kengash aʼzolarini tanishtirdi va jamoalarni ham qonunchilikdagi yangiliklar bilan tanishtirib borishni mas'ullarga vazifa qilib belgiladi.

Shundan so‘ng, kun tartibidagi masalalar ko‘rib chiqildi. Jumladan, talabalar o‘rtasida huquqbuzarliklarni kamaytirish va ularning ijtimoiy faolligini oshirish maqsadida olib borilayotgan profilaktik tadbirlar, dars mashg‘ulotlarining samaradorligi, zamonaviy pedagogik texnologiyalarni joriy etish borasida amalga oshirilayotgan ishlar hamda rahbar va pedagog kadrlarning doimiy ravishda malaka oshirishi, ilmiy-tadqiqot ishlarida faol bo‘lishi, xalqaro hamkorlikni kengaytirish masalalari tahlil qilindi.

Yig'ilish davomida ishtirokchilarning fikr-mulohazalari hamda takliflari atroflicha muhokama qilinib, mavjud muammolarni bartaraf etish va ta’lim jarayonini yanada takomillashtirishga qaratilgan aniq chora-tadbirlar belgilandi.