Andijonning go'zal maskani – Bog‘i Boburda “Qadriyatlaring boqiy bo‘lsin, Navro‘z!” shiori ostida Navro‘z umumxalq bayrami keng nishonlanib, sayillar, milliy qo‘shiqlar, an’anaviy raqslar va teatrlashtirilgan sahna ko‘rinishlari bayram shukuhini yanada oshirmoqda.

Bayram tadbiri davomida Andijon davlat universiteti professor-o'qituvchilari hamda ishchi-xodimlari o'rtasida lapar aytish, milliy raqs va tosh ko'tarish kabi musobaqalar tashkil etilib, musobaqa g'oliblari universitet rektori tomonidan diplom hamda xodimlar va talabalar kasaba uyushmasi qo'mitasining qimmatbaho esdalik sovg'alari bilan taqdirlandi.