Andijon davlat universiteti talabalar turar joyida istiqomat qilayotgan talabalarning ijodkorligini rivojlantirish, ularni mustaqil hayotga tayyorlash va jamoaviy ahillikni mustahkamlash maqsadida kafedra kuni munosabati bilan Jahon tarixi kafedrasi professor-o'qituvchilari tomonidan talabalar o'rtasida "Osh tanlovi" tashkil etildi.

Bilamizki, osh tayyorlash jarayoni nafaqat retseptlarni bilishni, balki vaqtni boshqarish, xarajatlarni rejalashtirish va resurslarni samarali taqsimlashni talab qiladi. Talabalar o'rtasida o'tkazilgan tanlovda ham mana shunday talablarni ko'zda tutilgan holda jamoalar o'z iste'dodini namoyish etdilar.

Musobaqa so'nggida, 304-guruh va 101-guruh talabalari jamoasi g'oliblikni qo'lga kiritib, kafedra mudiri tomonidan diplom hamda esdalik sovg'alari bilan taqdirlandi.