Kuni kecha Andijon davlat universiteti psixologi Otabek Muxtarov tomonidan talabalar o'rtasida o‘zaro muloqot va hamkorlikni rivojlantirish, stressni boshqarish va ijtimoiy muhitga moslashish ko'nikmasini shakllantirish maqsadida "Universitetdagi ijtimoiy-psixologik muhitga salbiy ta'sir etuvchi nomutanosiblikarni talabalar bilan birgalikda bartaraf etish", "Sog'lom dunyoqarashni shakllantirish hamda rivojlantirish" mavzularida psixologik treninglar o‘tkazildi.

Trening davomida talabalarga o‘zlarining hissiy holatlarini tahlil qilish va salbiy fikrlarni ijobiyga aylantirish bo‘yicha turli usullar o‘rgatildi. Treninglar, shuningdek, ijtimoiy muhitda turli nomutanosibliklarni aniqlash va bartaraf etish, jamiyatda sog‘lom va moslashgan dunyoqarashni shakllantirishga qaratilgan bo‘lib, talabalarga psixologik va ijtimoiy jihatdan barqaror bo‘lish uchun zarur bo‘lgan ko‘nikmalarni oshirdi.

Psixolog Otabek Muxtarov tomonidan o‘tkazilgan ushbu treninglar talabalarning ijtimoiy-psixologik muhitda o‘z o‘rinlarini mustahkamlash, stressni boshqarish va sog‘lom muloqot qilish ko‘nikmalarini rivojlantirishga yordam berdi.