Bugun, 28-fevral kuni Andijon davlat universitetining katta majlislar zalida universitet rektori Baxtiyorjon Akbaraliyev raisligida 2024/2025-o'quv yilidagi 8-sonli Kengash yig'ilishi bo'lib o'tdi.

Dastlab, universitet rektori Oʻzbekiston Respublikasi qonunlari, Prezident farmon va qarorlari, Oliy taʼlim, fan va innovatsiyalar vazirligi buyruqlari bilan Kengash aʼzolarini tanishtirdi va jamoalarni ham qonunchilikdagi yangiliklar bilan tanishtirib borishni mas'ullarga vazifa qilib belgiladi.

Shundan so‘ng, kun tartibidagi masalalar ko‘rib chiqildi. Jumladan, yakuniy nazorat imtihonlarini o‘tkazishda shaffoflikni ta’minlash, imtihonlarni adolatli va samarali o‘tkazish mexanizmlarini takomillashtirish, o‘quv jarayonlariga yangi metodlar va texnologiyalarni joriy etish, shuningdek, professor-o‘qituvchilar va talabalar o‘rtasida yanada yaqin hamkorlik o‘rnatish masalalari muhokama qilindi.

Yig‘ilish davomida ishtirokchilarning taklif va mulohazalari, shuningdek, savollari tinglanib, o‘quv jarayonini yanada samarali tashkil etish, talabalar uchun yangi dasturlar va o‘quv kurslarini yaratish, ilmiy va innovatsion faoliyatni rivojlantirish bo‘yicha aniq rejalar belgilandi va mas’ullarga aniq topshiriqlar belgilab berildi.