Andijon Davlat
Universiteti
"Oila— mahalla— ta'lim muassasasi" shiori ostida uchrashuv, "Zakovat" intellektual turniri, sport musobaqalari, tanlov va turli trening mashg'ulotlari hamda ko'ngilochar ma'naviy-ma'rifiy tadbirlar o'tkazildi
2025-01-27    301

Viloyatimizda aholi, ayniqsa yoshlarni vatanparvarlik ruhida tarbiyalash, ularda o'z Vataniga bo'lgan muhabbat, sadoqat va hurmatni shakllantirish, shuningdek, jismoniy faollik va sport bilan shug'ullanishga keng jalb qilish maqsadida ma'naviy-ma'rifiy tadbirlar, sport musobaqalari, intellektual turnirlar bo'lib o'tmoqda.

Ushbu tashabbuslar davomi sifatida bugun, 27-yanvar kuni Xonobod shahrida Andijon davlat universiteti rahbariyati tomonidan "Oila— mahalla— ta'lim muassasasi" shiori ostida uchrashuv, "Zakovat" intellektual turniri, sport musobaqalari, tanlov va turli trening mashg'ulotlari hamda ko'ngilochar ma'naviy-ma'rifiy tadbirlar o'tkazildi.

Tadbir doirasida tajribali psixolog tomonidan sog‘lom dunyoqarashni shakllantirish hamda rivojlantirish mavzularida psixologik treninglar o‘tkazildi. Shuningdek, universitetning iqtidorli yoshlari ishtirokida "Zakovat" intellektual o‘yini, sport musobaqalari hamda uchrashuvlar tashkil etilib, Xonobod aholisiga nafaqat bilim va ma’rifat, balki ular orasida intellektual salohiyatini rivojlantirish, jismoniy va ma'naviy sog‘lomligini ta'minlashga xizmat qildi.

Mazkur tadbirda ishtirok etgan yoshlar o‘z bilimlarini sinab ko‘rish, yangi qobiliyatlarni kashf etish, o‘zaro hamkorlikda ishlash va yangicha tajribalar orttirish bilan bir qatorda jismoniy faollikni rivojlantirish imkoniyatiga ega bo‘ldilar.

Andijon davlat universiteti
matbuot xizmati
MANZILIMIZ
170100, O'zbekiston Respublikasi, Andijon shahar,
Universitet ko'chasi 129-uy
E-pochta: agsu_info@adu.uz, anddu@exat.uz
Telefon/faks: 0 (374) 223 88 30
Ishonch telefon: 0 (374) 223 88 14
Transport: 75-yo'nalishdagi taksilar
BIZ IJTIMOIY TARMOQLARDA
© Andijon davlat universiteti, 2004-2025. Barcha huquqlar himoyalangan.  Топ рейтинг www.uz