Bugun, 23-dekabr kuni Andijon davlat universitetida kirib kelayotgan yangi yil bayrami munosabati bilan o'tkazilgan "Yangi yil karnavali"da iqtidorli talabalar o'z san'ati va iste'dodlarini namoyish etib, barchaga xush kayfiyat ulashdi.

Tadbirni universitet rektori Baxtiyorjon Akbaraliyev talabalarga qarata yangi yilda yangi muvaffaqiyatlar, tinchlik va farovonlik tilab, ochib berdi. Rektor doimo o‘z talabalarini qo‘llab-quvvatlashga va ularga yangi imkoniyatlar yaratishga tayyor ekanligini ta'kidladi.

Karnavalda ishtirok etgan talabalar o'z ijodiy mahoratlarini namoyish etish bilan birga, universitetdagi ijtimoiy va madaniy hayotga yanada rang-baranglik kiritdilar. Tadbir davomida musiqiy chiqishlar, sahna ko'rinishlari, raqs va ko'ngilochar dasturlar tomoshabinlar e'tiboriga havola etildi.

Karnaval so'nggida, Oʻzbekiston va Xalqaro sport musobaqalarida yuksak natijalarga erishgan talaba-yoshlar bazaviy stipendiya miqdoriga teng bo'lgan pul mukofoti bilan taqdirlanib, o'z mehnatlari va yutuqlari uchun e'tirof etildilar. Bu tadbir nafaqat iqtidorli talabalar, balki sportda muvaffaqiyatga erishgan yoshlarni ham qo'llab-quvvatlash va rag'batlantirishga xizmat qildi.

Ma'lumot o'rnida, tadbirda 60 nafar talaba 200 million so'mdan ortiq pul mukofoti bilan taqdirlandi.