Andijon davlat universitetida talaba-yoshlarga kitobxonlik madaniyatini singdirish, ularning badiiy savodxonligini oshirish va vatanparvarlik tuyg‘ularini mustahkamlash maqsadida "Ma’rifat ulashib" loyihasi doirasida keng ko‘lamli tadbirlar o‘tkazilmoqda.

Mazkur loyiha doirasida bugun, 20-dekabr kuni universitetning faollar zalida yoshlarni yurtimizdagi adabiy jarayonlar bilan tanishtirish, badiiy adabiyotga oshno etish maqsadida O‘zbekiston Yozuvchilar uyushmasi a’zolari, shoir, jurnalist Qo‘chqor Norqobil hamda Xosiyat Rustamovalar ishtirokida ijodiy-ma’rifiy uchrashuv bo‘lib o‘tdi.

Uchrashuv davomida yoshlarning zamonaviy bilimlarni egallashi, dunyoqarashini kengaytirishda ma’naviyat va mafkuraning ahamiyati yuqori ekani qayd etildi. Yoshlar bilan ochiq suhbat davomida kitobning inson hayotidagi o‘rni naqadar beqiyos ekani ta’kidlandi.

Qizg‘in va samimiy o‘tgan uchrashuvda ijodkor yozuvchilik san’ati, badiiy asar yaratish jarayoni haqida batafsil gapirib berdi.