Mamajonova E’zozaxon Madaminjon qizi dissertatsiya ishini muvaffaqiyatli himoya qildi

Bugun, 18-dekabr kuni Mamajonova E’zozaxon Madaminjon qizi Namangan davlat universiteti huzuridagi ilmiy darajalar beruvchi PhD.03/31.03.2021/Fil.76.05. raqamli Ilmiy kengashning navbatdagi yig‘ilishida“Ingliz va o‘zbek tillarida “ta’m-maza” konseptining kognitiv va lingvomadaniy tadqiqi” mavzusida 10.00.06 – Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha filologiya fanlari bo‘yicha falsafa doktori (PhD) dissertatsiyasini himoya qildi.

Tadqiqotchi dastlab o‘z ishini ham nazariy, ham amaliy jihatdan muhim mavzuga bag‘ishlanganini asoslab, tadqiqot ishining mohiyatini ochib berdi va xulosalarini bayon qildi. Dissertant ishning muhokamasi davomida kengash a'zolarining savollariga a'lo darajada javob berdi.

Yig‘ilish yakunida kengash a'zolari dissertatsiya ishini 100 foiz yoqlab ovoz berdilar va E’zozaxon Mamajonova filologiya fanlari bo‘yicha falsafa doktori ilmiy darajasi uchun loyiq deb topildi.

Jamoamiz nomidan Mamajonova E’zozaxon Madaminjon qizini ushbu himoya bilan samimiy qutlab, mustahkam sog’lik, ilm yo'lida muvaffaqiyat tilaymiz!