Andijon davlat universitetida Raqobatni rivojlantirish va isteʼmolchilar huquqlarini himoya qilish qoʻmitasi Andijon viloyati hududiy boshqarmasi hamkorligida yoshlarning huquqiy ongini, iste’mol madaniyatini yanada yuksaltirish maqsadida "Birgalikda sifat uchun kurashamiz" mavzusida davra suhbati bo'lib o'tdi.

Uchrashuv davomida tajribali mutaxassislar tomonidan O‘zbekiston Respublikasi "Iste’molchilarning huquqlarini himoya qilish to‘g‘risida”gi Qonun va sohaga oid me’yoriy hujjatlarning mazmun-mohiyati haqida tushuncha berish bilan bir qatorda iste’molchi kim, uning haq huquqlari nimalardan iborat, huquqlari buzilgan holatlarda kimga va qanday murojaat qilish tartib-qoidalari haqida tushuncha berildi.