Ayni kunlarda Malayziyaning Terengganu universiteti Kompyuter fanlari va matematika fakulteti professorlari Noor Maizura Binti Mohamad Noori hamda Rosmayati Binti Mohamad xalqaro hamkorlik doirasida rasmiy tashrif bilan Andijon davlat universitetida bo'lib turibdi.

Tashrif doirasida professor Noor Maizura Binti Mohamad Noori xonim Ma’lumotlar bazasi fanidan, professor Rosmayati Binti Mohamad xonim Ma’lumotlar tuzilmasi va algoritmlar fanidan IT injiniringi fakulteti Kompyuter injiniringi ta’lim yo‘nalishi talabalariga amaliy dars mashg'ulotlarini olib bormoqda.

Bugun, 26-noyabr kuni Terenganu universiteti professorlari Andijon davlat universiteti rektori Baxtiyorjon Akbaraliyev qabulida bo'lib, hamkorlikni yanada rivojlantirish bo'yicha muzokaralar olib bordi. Muzokara davomida talabalar almashinuv, proferssor-o'qituvchilar va olimlar bilan hamkorlikda ilmiy tadqiqotlar olib borish borasida yaqin kelajakdagi rejalar belgilab olindi.

Ma'lumot o'rnida, Terengganu universiteti professorlari tomonidan universitetimiz talabalariga joriy yilning 29-noyabr sanasiga qadar dars mashg'ulotlari olib borilishi belgilangan.