Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi tomonidan kitobxonlik madaniyatini kengaytirish, yoshlarning mutolaa va ijodiy faoliyatga bo‘lgan qiziqishini oshirish maqsadida “Kitob – mening do‘stim” respublika ko‘rik-tanlovining Andijon viloyati hududiy bosqichi o‘tkazildi.

Tanlovda viloyatdagi 7 ta oliy ta’lim muassasasining iqtidorli talabalari 3 ta shart – Bilimdon kitobxon, annotatsiya mahorati, kitobxonlik va mutolaa madaniyatini keng targ‘ib etish shartlari bo‘yicha o‘zaro kuch sinashdilar.

Quvonarlisi, tanlovda Andijon davlat universiteti talabasi Risolaxon Jamoldinova o‘z bilim va ijodiy yondashuvini namoyish qilib, ko‘rik-tanlovning g‘olibiga aylandi va respublika bosqichida ishtirok etish uchun yo‘llanmani qo‘lga kiritdi.

Ushbu muvaffaqiyat bilan kitobsevar talabamiz Risolaxonni samimiy tabriklaymiz!