Bugun, 18-noyabr kuni Andijon davlat universiteti Ijtimoiy-iqtisodiyot fakultetining Milliy g'oya, ma'naviyat asoslari va huquq ta'limi kafedrasi tomonidan davlatimiz ramzi bayroq qabul qilinganligining 33 yilligi munosabati bilan professor-o'qituvchilar ishtirokida davra suhbati bo'lib o'tdi.

Suhbatda dastlab, birinchi prorektor Talantbek Madumarov so'z olib, Oʻzbekiston Respublikasi bayrog'i – Vatan timsoli ekanligi, uni ko'rganda, har bir yurtdoshimiz qalbida g'urur, umid va ishonch uygʻonishi haqida nutq so'zladi.

Suhbat davomida so'zga chiqqan professor-o'qituvchilar, jumladan, Shukurjon Amirxo'jayev, Xudoberdi No'monjonov va boshqa ishtirokchilar ma'ruzasida “O‘zbekiston Respublikasining Davlat bayrog‘i to‘g‘risida”gi O‘zbekiston Respublikasi qonuniga o‘zgartirish va qo‘shimchalar kiritish haqida”gi qonunning mazmun-mohiyati va davlatimiz ramzi haqida ma'lumotlar berildi.