Bugun, 15-noyabr kuni Andijon davlat universitetida "Xalqaro talabalar kuni" munosabati bilan "Talabalar haftaligi" doirasida "Talabalik — oltin davrim" shiori ostida tantanali bayram tadbiri bo'lib o'tdi.

Dastlab, davlatimiz madxiyasi yangradi va tadbirni universitet rektori Baxtiyorjon Akbaraliyev yoshlarga qarata yo'llagan samimiy tilaklari bilan ochib berdi. Shundan so'ng, rektor boshchiligida talabalar uchun maxsus tayyorlangan tort kesish marosimi o'tkazildi.

Tadbirda "Yil talabasi" respublika ko'rik-tanlovi hamda "Yoshlar haftaligi" doirasida o'tkazilgan tanlov, intellektual o'yin va musobaqalarda g'olib bo'lgan iqtidorli va iste'dodli talabalar universitet vrahbariyati tomonidan diplom hamda pul mukofotlari bilan tantanali tarzda taqdirlandi.

Tantanali tadbir davomida milliy va estradamiz qo'shiqlari yangrab, barchani raqsga chorladi. Tadbirni yanada ko'tarinki ruhda o'tishiga o'z hissasini qo'shgan Ijtimoy-iqtisodiyot fakulteti jamoalari ijrosida namoyish etilgan ko'ngilochar sahna ko'nirishlari barchaga a'lo kayfiyat ulashdi.

Ma'lumot o'rnida, tadbir davomida taqdirlangan jami 250 dan ziyod talabalar uchun yuz milion so'mdan ortiq pul mukofoti ajratildi.