Bugun, 8-noyabr kuni Andijon davlat universitetida mamlakatimizda amalga oshirilayotgan keng ko‘lamli islohotlarda yoshlarning faol ishitirokini ta’minlash, talaba-yoshlarni ezgu maqsadlarga ilhomlashtirish, adabiyotning ta’sirchan kuchidan foydalanish, ajdodlar me’rosini o‘rganish, buyuk madaniyatimizga munosib buyuk adabiyot yaratish maqsadida “Ma’rifat maydoni” Respublika tanlovining universitet bosqichi bo'lib o'tdi.

Tanlovda 8 ta fakultetdan iborat jamoalar ishtirok etdi. Ishtirokchilar 3 ta shart bo'yicha bellashdilar:

1-shart — Adib hayoti;
2-shart — Tezkor savol-javob;
3-shart — Adiblar hayoti va ijodidan teatrlashtirilgan sahna ko'rinishlari.

Tanlovning yakuniy natijalariga ko'ra:
1-o'rinni - Tarix fakultetining "Humo" jamoasi;
2-o'rinni - Ijtimoiy-iqtisodiyot fakultetining "Ma'rifatparvarlar" jamoasi;
3-o'rinni - IT injiniringi fakultetining "Algoritm" jamoasi;
4-o'rinni - Filologiya fakultetining "Yosh filologlar" jamoasi egalladi.

G'olib jamoalar "Xalqaro talabalar kuni" munosabati bilan o'tkaziladigan tantanali bayram tadbirida universitet rektorining diplom hamda esdalik sovg'alari bilan taqdirlanadi.